Bandi Sanjay | బండి సంజయ్.. బెయిల్ రద్దు పిటిషన్‌ కొట్టివేత

Bandi Sanjay బెయిల్‌ రద్దు చేయాలన్న పోలీసుల పిటిషన్ కొట్టివేత హనుమకొండ IV-MM జిల్లా కోర్టు న్యాయమూర్తి తీర్పు విధాత, వరంగల్ ప్రత్యేక ప్రతినిధి: టెన్త్ హిందీ పేపర్ లీకేజీ స్కాంలో బీజేపీ రాష్ట్ర అధ్యక్షులు, ఎంపీ బండి సంజయ్ కుమార్ (Bandi Sanjay) బెయిల్‌ను రద్దు చేయాలంటూ పోలీసుల దాఖలు చేసిన పిటిషన్‌ను హనుమకొండ IV-MM జిల్లా కోర్టు న్యాయమూర్తి కొట్టివేశారు. ఈ నెల 24న పోలీసులు ఈ పిటిషన్ వేయగా గురువారం వాదనలు విన్నానంతరం […]

Bandi Sanjay

• బెయిల్‌ రద్దు చేయాలన్న పోలీసుల పిటిషన్ కొట్టివేత
• హనుమకొండ IV-MM జిల్లా కోర్టు న్యాయమూర్తి తీర్పు

విధాత, వరంగల్ ప్రత్యేక ప్రతినిధి: టెన్త్ హిందీ పేపర్ లీకేజీ స్కాంలో బీజేపీ రాష్ట్ర అధ్యక్షులు, ఎంపీ బండి సంజయ్ కుమార్ (Bandi Sanjay) బెయిల్‌ను రద్దు చేయాలంటూ పోలీసుల దాఖలు చేసిన పిటిషన్‌ను హనుమకొండ IV-MM జిల్లా కోర్టు న్యాయమూర్తి కొట్టివేశారు.

ఈ నెల 24న పోలీసులు ఈ పిటిషన్ వేయగా గురువారం వాదనలు విన్నానంతరం న్యాయమూర్తి తీర్పు ప్రకటించారు. పేపర్ లీక్ స్కాం కేసులో రాజకీయ కక్షతోనే బండి సంజయ్ ను నేరస్తుడిగా చూపించేందుకు ప్రభుత్వం కుట్ర చేస్తోందని బండి సంజయ్ తరపు న్యాయవాదులు వాదించారు.

టెన్త్ పేపర్ లీకేజీ స్కాంతో బండి సంజయ్ కు సంబంధం ఉన్నట్లు నిరూపించడంలో పోలీసులు విఫలమయ్యారని సీనియర్ న్యాయవాదులు ఎల్.రవించందర్, కరుణాసాగర్ పేర్కొన్నారు.

విచారణకు సహకరించాలంటూ పోలీసులు జారీ చేసిన నోటీసులో మొబైల్ ను స్వాధీనం చేయాలని కోరడంపట్ల బండి సంజయ్ తరపు న్యాయవాదులు అభ్యంతరం వ్యక్తం చేశారు. అప్పటికే మొబైల్ మిస్ అయ్యిందని పోలీసులకు బండి సంజయ్ ఫిర్యాదు చేశారు.

ఆ మేరకు ఫిర్యాదు నమోదైందని చెప్పినప్పటికీ, ఈ విషయాన్ని కప్పి పుచ్చుతూ కోర్టును తప్పు దోవ పట్టించేందుకు పోలీసులు ప్రయత్నించారని ఆయన తరపున న్యాయవాదులు వాదించారు.

ఆర్టికల్ 23 ప్రకారం.. ఎవరైనా నేరస్తునిపై మోపబడ్డ అభియోగాన్ని నిరూపించేందుకు సాక్షాలు చూపాలి తప్ప బెదిరింపులకు పాల్పడటమంటే రాజ్యాంగం ఇచ్చిన హక్కులను కాలరాయడమేనని బండి సంజయ్ తరపు న్యాయవాదులు వాదించారు. విచారణ అనంతరం సంజయ్ బెయిల్ రద్దు పిటీషన్ ను హన్మకొండ న్యాయ స్థానం కొట్టేసింది.