బంగారం కొనాలనుకుంటున్నారా..? నేడు హైదరాబాద్‌లో ధరలు ఎలా ఉన్నాయంటే..?

కొనుగోలుదారులకు బంగారం ధరలు ఊరటనిస్తున్నాయి. గత కొంతకాలంగా గతంలో ఎన్నడూ లేనంగా పుత్తడి ధరలు పెరుగుతూ వచ్చాయి.

Gold Rates | కొనుగోలుదారులకు బంగారం ధరలు ఊరటనిస్తున్నాయి. గత కొంతకాలంగా గతంలో ఎన్నడూ లేనంగా పుత్తడి ధరలు పెరుగుతూ వచ్చాయి. గత రెండురోజుల పాటు ధరలు దిగిరాగా.. గురువారం మార్కెట్‌లో ధరలు నిలకడగా కొనసాగుతున్నాయి. 22 క్యారెట్ల గోల్డ్‌ తులానికి రూ.57,700 ఉండగా.. 24 క్యారెట్ల పసిడి తులానికి రూ.62,950 వద్ద స్థిరంగా ఉన్నాయి. మరో వైపు వెండి ధరలు స్వల్పంగా తగ్గుముఖం పట్టాయి. రూ.600 వరకు పతనమై.. కిలో ధర రూ.76వేలకు దిగివచ్చింది.

ఇక దేశంలోని వివిధ నగరాల్లోనూ బంగారం ధరలను పరిశీలిస్తే.. చెన్నైలో 22 క్యారెట్ల బంగారం రూ.58,200 ఉండగా.. 24 క్యారెట్ల పసిడి రూ.63,490 వద్ద కొనసాగుతున్నది. ముంబయిలో 22 క్యారెట్ల బంగారం రూ.57,700 ఉండగా.. 24 క్యారెట్ల గోల్డ్‌ రూ.62,950 వద్ద స్థిరంగా ఉన్నది. దేశ రాజధాని ఢిల్లీ నగరంలో 22 క్యారెట్ల స్వర్ణం రూ.57,850 ఉండగా.. 24 క్యారెట్ల బంగారం రూ.63,100 వద్ద ట్రేడవుతున్నది. హైదరాబాద్‌లో 22 క్యారెట్ల పసిడి రూ.57,700 ఉండగా.. 24 క్యారెట్ల బంగారం రూ.62,950 పలుకుతున్నది.

ఏపీలోని విజయవాడ, తిరుపతి, విశాఖపట్నం నగరాల్లోనూ ఇవే ధరలు కొనసాగుతున్నాయి. ఇక వెండి ధరలు దేశవ్యాప్తంగా తగ్గుముఖం పట్టాయి. కిలోకు రూ.600 తగ్గి రూ.76వేలకు పతనమైంది. ప్రస్తుతం హైదరాబాద్‌లో కిలో వెండి రూ.77,500 పలుకుతున్నది. అంతర్జాతీయ మార్కెట్‌లోనూ బంగారం ధరలు నిలకడగానే కొనసాగుతున్నాయి. ప్రస్తుతం స్పాట్‌ గోల్డ్‌ ఔన్స్‌కు 2,035.11 డాలర్లు కొనసాగుతున్నది. స్పాట్ సిల్వర్ రేటు ఔన్స్‌కు 22.97 డాలర్ల వద్ద ట్రేడవుతున్నది.