Gold Rates | బంగారం తగ్గింది త్వరపడండి మరి..! భారీగా పతనమైన వెండి.. నేటి ధరలు ఇవే..!

Gold Rates | బంగారం కొనుగోలానుకునే వారికి ఇది ఊరట కలిగించే వార్తే. బుధవారం మార్కెట్‌లో బంగారం ధర పతనమైంది. 22 క్యారెట్ల బంగారంపై రూ.200 తగ్గి తులానికి రూ.54,750 పలుకుతున్నది. 24 క్యారెట్ల గోల్డ్‌పై రూ.220 తగ్గి రూ.59,730కి చేరింది. దేశంలోని వివిధ నగరాల్లో బంగారం ధరలను పరిశీలిస్తే.. ఢిల్లీలో 22 క్యారెట్ల పసిడి రూ.54,900 ఉండగా.. 24 క్యారెట్ల పుత్తడి రూ.59,880కి దిగివచ్చింది.

ముంబయిలో 22 క్యారెట్ల బంగారం రూ.54,750 ఉండగా.. 24 క్యారెట్ల స్వర్ణం రూ.59,730కి తగ్గింది. చెన్నైలో 22క్యారెట్ల గోల్డ్​ రూ.55,050 ఉండగా.. 24 క్యారెట్ల పుత్తడి రూ.60,050 వద్ద కొనసాగుతున్నది. బెంగళూరులో 22 క్యారెట్ల గోల్డ్‌ రూ.54,750 ఉండగా.. 24 క్యారెట్ల పుత్తడి రూ.59,730కి పడిపోయింది.

హైదరాబాద్‌లో 22 క్యారెట్ల గోల్డ్‌ రూ.54,750 ఉండగా.. 24 క్యారెట్ల పసిడి రూ.59,730 పలుకుతున్నది. ఏపీలోని విజయవాడ, విశాఖపట్నం, తిరుపతి నగరాల్లోనూ ఇవే ధరలు కొనసాగుతున్నాయి. మరో వైపు వెండి ధరలు భారీగా పతనమయ్యాయి. కిలోకు రూ.1400 వరకు ధర తగ్గి కిలోకు రూ.74,800 పలుకుతున్నది. హైదరాబాద్‌లో కిలోకు రూ.77,600 వద్ద ట్రేడవుతున్నది.