విధాత: ఆర్డర్ చేసిన కర్రీలో ఎలక కళేబరం రావడంతో ఒక వ్యక్తికి తిన్నదంతా లోపలి నుంచి బయటకు వచ్చేసింది. పంజాబ్ (Punjab) లూథియానాలోని ఒక రెస్టారెంట్లో ఈ ఘటన జరిగినట్లు తెలుస్తోంది. ఈ వీడియోను సదరు వ్యక్తి ట్వీట్ చేయడంతో నెట్టింట్లో వైరల్గా మారింది. ఎన్సీ అనే అకౌంట్తో ఉన్న పోస్ట్ అయిన వీడియోలో ఓ వ్యక్తి తను ఆర్డర్ చేసిన డిష్లను చూస్తున్నాడు. అంతలోనే ఒక నాన్ వెజ్ గ్రేవీ కర్రీపై కెమేరాను ఫోకస్ చేయగా […]
విధాత: ఆర్డర్ చేసిన కర్రీలో ఎలక కళేబరం రావడంతో ఒక వ్యక్తికి తిన్నదంతా లోపలి నుంచి బయటకు వచ్చేసింది. పంజాబ్ (Punjab) లూథియానాలోని ఒక రెస్టారెంట్లో ఈ ఘటన జరిగినట్లు తెలుస్తోంది. ఈ వీడియోను సదరు వ్యక్తి ట్వీట్ చేయడంతో నెట్టింట్లో వైరల్గా మారింది.
ఎన్సీ అనే అకౌంట్తో ఉన్న పోస్ట్ అయిన వీడియోలో ఓ వ్యక్తి తను ఆర్డర్ చేసిన డిష్లను చూస్తున్నాడు. అంతలోనే ఒక నాన్ వెజ్ గ్రేవీ కర్రీపై కెమేరాను ఫోకస్ చేయగా అందులో ఎలక కళేబరం కనిపించింది. అంతటితో ఆగకుండా ఆ వ్యక్తి చెంచాతో ఆ ఎలుకను బయటకు తీసి చూపించాడు.
Parkash dhaba Ludhiana. India Serve rat in chicken curry. Restaurant owner bribe the food inspector and go free??? Very poor standards in Kitchen of many Indian restaurants. Be aware . pic.twitter.com/chIV59tbq5
— NC (@NrIndiapolo) July 3, 2023
‘ప్రకాశ్ దాబా లూథియానా.. కూరలో ఎలుకను కూడా వడ్డించారు. రెస్టారెంట్ యజమాని ఫుడ్ ఇన్స్పెక్టర్కు లంచం ఏమైనా ఇచ్చాడా? చాలా రెస్టారెంట్లు ఇలానే ఉంటున్నాయి. జాగ్రత్తగా ఉండండి’ అని సదరు యూజర్ హెచ్చరించాడు. అయితే ఈ ఆరోపణను సదరు రెస్టారెంట్ యాజమాన్యం ఖండించింది. తమను బెదిరించేందుకే ఈ వీడియోను పోస్ట్ చేశారని తెలిపింది.
ఫేస్బుక్లో వైరల్ అవుతున్న మరో వీడియోలో చనిపోయిన జీవితో మాంసం వండారని ఒక కస్టమర్ హోటల్ షెఫ్తో గొడవ పడుతున్నాడు. మిమ్మల్నందరినీ వినియోగదారుల కోర్టుకు ఈడుస్తానని సదరు వ్యక్తి అంటున్నట్లు ఉంది.
ఈ రెండు వీడియోలపై మిగిలిన యూజర్లు పలు రకాలుగా స్పందించారు. లూథయానా రెస్టారెంట్లు అసలు శుభ్రత పాటించవని ఒకరు అనగా.. వాటికి లైసెన్సులు తొలగించాలని మరొకరు స్పందించారు.