Pumpkin Seeds | గుమ్మడి గింజలు.. అతిగా తింటున్నారా! అయితే డేంజరే

Pumpkin Seeds |

గుమ్మడి గింజలు ఆరోగ్యానికి మంచివే అయినప్పటికీ, వాటిని మితంగానే తీసుకోవాలి. అధిక మోతాదులో తీసుకుంటే కొన్ని ప్రతికూల ప్రభావాలు కలిగే అవకాశం ఉంది. అవేంటో ఇప్పుడు తెలుసుకుందాం.

జీర్ణ సమస్యలు:
గుమ్మడి గింజలలో కొవ్వు నూనెలు ఉండటం వల్ల జీర్ణ సంబంధిత సమస్యలు తలెత్తవచ్చు. వీటిని ఎక్కువగా తింటే కడుపు నొప్పి, ఉబ్బరం, గ్యాస్ వంటి సమస్యలు వస్తాయి. గుమ్మడి గింజల్లో ఫైబర్ అధికంగా ఉంటుంది. ఎక్కువగా తినడం వల్ల ఉబ్బరం, గ్యాస్ వస్తుంది.

అలెర్జీ ప్రతిచర్యలు:

కొంతమందిలో గుమ్మడి గింజలు అలెర్జీని కలిగిస్తాయి. దీని వల్ల చర్మంపై దద్దుర్లు, తామర వంటి సమస్యలు వస్తాయి. గుమ్మడి గింజలు ఎక్కువ మోతాదులో తింటే తుమ్ములు, గొంతు నొప్పి, దగ్గు, తలనొప్పి వస్తాయి.

బరువు పెరుగుట: గుమ్మడి గింజల్లో కేలరీలు ఎక్కువ. కాబట్టి, వీటిని ఎక్కువగా తింటే బరువు పెరిగే అవకాశం ఉంది.

రక్తపోటు తగ్గుదల: రక్తపోటు తక్కువగా ఉన్నవారు గుమ్మడి గింజలు తినకపోవడం మంచిది. ఎందుకంటే అవి రక్తపోటును మరింత తగ్గిస్తాయి.

పిల్లలకు హానికరం: గుమ్మడి గింజలు పిల్లలకు ఇవ్వకూడదు. ఎందుకంటే ఇది కడుపు నొప్పికి, విరేచనాలకు దారితీస్తుంది. అంతేకాదు, అవి పిల్లల్లో ఊపిరితిత్తుల్లో చిక్కుకుపోయే అవకాశం ఉంది.

గుర్తుంచుకోవాల్సిన విషయాలు:

గుమ్మడి గింజలను మితంగా తినడం మంచిది. మీకు ఏవైనా ఆరోగ్య సమస్యలు ఉంటే, గుమ్మడి గింజలు తినే ముందు వైద్యుడిని సంప్రదించండి. గుమ్మడి గింజలు స్మూతీలు, సలాడ్లలో కలిపి తింటే ఆరోగ్యానికి చాలా మంచిది.