Nalgonda l కోమ‌టిరెడ్డి వెంకట్‌రెడ్డి దిష్టిబొమ్మ దహనం

చెరుకు సుధాకర్‌కు రక్షణ కల్పించాలని బీసీ విద్యార్థి సంఘం డిమాండ్ Burning effigy of Komatireddy Venkatreddy విధాత: పిసిసి ఉపాధ్యక్షుడు డాక్టర్ చెరుకు సుధాకర్ గౌడ్ పై సీనియర్ కాంగ్రెస్ నాయకుడు కోమటిరెడ్డి వెంకట్ రెడ్డి చంపుతామంటూ చేసిన బెదిరింపు వ్యాఖ్యలను నిరసిస్తూ బీసీ సంఘం, బీసీ విద్యార్థి సంఘం ఆధ్వర్యంలో ఆదివారం సాయంత్రం నల్గొండ గడియారం సెంటర్లో వెంకట్‌రెడ్డి దిష్టిబొమ్మను దహనం చేశారు. ఈ సందర్భంగా బీసీ విద్యార్థి సంఘం జిల్లా అధ్యక్షుడు ఐతగోని […]

• చెరుకు సుధాకర్‌కు రక్షణ కల్పించాలని బీసీ విద్యార్థి సంఘం డిమాండ్

Burning effigy of Komatireddy Venkatreddy

విధాత: పిసిసి ఉపాధ్యక్షుడు డాక్టర్ చెరుకు సుధాకర్ గౌడ్ పై సీనియర్ కాంగ్రెస్ నాయకుడు కోమటిరెడ్డి వెంకట్ రెడ్డి చంపుతామంటూ చేసిన బెదిరింపు వ్యాఖ్యలను నిరసిస్తూ బీసీ సంఘం, బీసీ విద్యార్థి సంఘం ఆధ్వర్యంలో ఆదివారం సాయంత్రం నల్గొండ గడియారం సెంటర్లో వెంకట్‌రెడ్డి దిష్టిబొమ్మను దహనం చేశారు.

ఈ సందర్భంగా బీసీ విద్యార్థి సంఘం జిల్లా అధ్యక్షుడు ఐతగోని జనార్దన్ గౌడ్ మాట్లాడుతూ
ప్రత్యేక తెలంగాణ రాష్ట్ర సాధన కోసం అవిశ్రాంతంగా పోరాటం చేసిన బహుజన ఉద్యమ నాయకుడు డాక్టర్ చెరుకు సుధాకర్‌ని భౌతికంగా హత్య చేయడానికి ప్రణాళిక సిద్ధం చేసిన కోమటిరెడ్డి వెంకట్‌రెడ్డిని తక్షణమే అరెస్టు చేయాలని డిమాండ్ చేశారు.

కోమటిరెడ్డి వెంకటరెడ్డి కుల అహంకారంతో మాట్లాడుతున్నార‌ని, ఇది కాంగ్రెస్ పార్టీకి ఏమాత్రం మంచి పద్ధతి కాదని, కాంగ్రెస్ పార్టీకి నిజంగా చిత్తశుద్ధి ఉంటే తక్షణమే ఆ పార్టీ కోవర్టు వెంకట్‌రెడ్డిని పార్టీ నుంచి సస్పెండ్ చేయాలని డిమాండ్ చేశారు. వెంకట్‌రెడ్డి ఎన్ని మాటలు మాట్లాడినా కాంగ్రెస్ పార్టీ డిల్లీ అధిష్టానం క్రమశిక్షణ చర్యలు తీసుకోకపోవడం విడ్డురంగా ఉందన్నారు. నల్లగొండ జిల్లాలో ఏ బహుజన నాయకుడు ఎదిగినా జీర్ణించుకోలేని దుర్మార్గుడు కోమటిరెడ్డి వెంకట్‌రెడ్డి అన్నారు. డాక్టర్ చెరుకు సుధాకర్‌ని రాజకీయంగా ఎదుర్కొనలేక భౌతికంగా అంతం చేయడానికి కోమటిరెడ్డి ప్లాన్ వేశార‌ని, ఈ కుట్రలను భగ్నం చేయాల్సిన బాధ్యత తెలంగాణ సమాజంపై ఉందన్నారు.

నల్లగొండ జిల్లాలో, నల్లగొండ నియోజక వర్గంలో కోమటిరెడ్డి రాజకీయ ఆధిపత్యానికి బీటలు పడి పిచ్చెక్కి ఎట్లా పడితే అట్లా మాట్లాడుతున్నారని తక్షణమే ఎర్రగడ్డ హాస్పిటల్లో వెంకట్‌రెడ్డికి వైద్యం చేయించాలని డిమాండ్ చేశారు. ఒక ఎంపీ హోదాలో ఉండి ఇలా బూతులు మాట్లాడమని, హత్యలకు ప్లానింగ్ లు వేయమని కాంగ్రెస్ పార్టీ నేర్పిందా అంటూ ప్రశ్నించారు. ఉమ్మడి నల్లగొండ జిల్లాలో కోమటిరెడ్డి ఎక్కడ పోటీ చేసినా చిత్తుచిత్తుగా ఓడించాల్సిన బాధ్యత బహుజనులపై ఉందన్నారు. తక్షణమే కోమటిరెడ్డి చెరుకు సుధాకర్‌కు, వారి కుమారుడికి క్షమాపణ చెప్పాలని డిమాండ్ చేశారు. తెలంగాణ రాష్ట్ర ముఖ్యమంత్రి కేసీఆర్ జోక్యం చేసుకొని తెలంగాణ ఉద్యమకారుడు అయిన డాక్టర్ చెరుకు సుధాకర్‌కు రక్షణ కల్పించాలని డిమాండ్ చేశారు.

కార్యక్రమంలో కారింగు నరేష్ గౌడ్, కొంపెల్లి రామన్నగౌడ్, గోవర్థన్,నవీన్, శివ, లక్ష్మీ నారాయణ, ప్రణీత్, లక్ష్మణ్, ముఖేష్, అశోక్, వినోద్, సుధాకర్ తదితరులు పాల్గొన్నారు.