నాపై ఐటీ సోదాలు అవాస్తవం: భాస్కర్ రావు

నాపై ఐటీ సోదాలు అవాస్తవమని ఆ ప్రచారాన్ని నమ్మొద్దని మిర్యాలగూడ ఎమ్మెల్యే ఎన్.భాస్కర్ రావు కోరారు.

విధాత : నాపై ఐటీ సోదాలు అవాస్తవమని ఆ ప్రచారాన్ని నమ్మొద్దని మిర్యాలగూడ ఎమ్మెల్యే ఎన్.భాస్కర్ రావు కోరారు. నల్గొండ జిల్లా మిర్యాలగూడ మండలం అన్నపురెడ్డిగూడెం ఎన్నికల ప్రచారంలో ఐటి సోదాలపై బీఆర్ఎస్ అభ్యర్థి భాస్కరరావు స్పందించారు.

ఎక్కడో వ్యాపారస్తుల మీద రైడ్ జరిగితే నాకేం సంబంధమని, నా బంధువుల పైన గాని, నా కుమారుల ఇంట్లో ఐటీ సోదాలు జరగట్లేదన్నారు. నాపైన ఐటీ సోదాలు జరిగితే నేనెందుకు ఇక్కడ ఎన్నికల ప్రచారం నిర్వహిస్తానన్నారు. నాకు పవర్ ప్లాంట్ లు ఉన్నాయన్నది అపోహ మాత్రమేనన్నారు. నాపైన ఐటీ సోదాలు జరుగుతున్నాయన్న ప్రచారాన్ని నమ్మకండన్నారు.