Telangana Weather Forecast : కొద్ది గంట‌ల్లో హైద‌రాబాద్ తో పాటు ప‌లు జిల్లాల‌కు భారీ వ‌ర్షాలు

హైద‌రాబాద్‌తో పాటు ప‌లు జిల్లాల్లో భారీ వర్షాలు కురిసే అవకాశం. టీజీ ఐసీసీసీ ప్రజలకు హెచ్చరిక జారీ చేసి అప్రమత్తంగా ఉండాలని సూచించింది.

హెచ్చ‌రిక జారీ చేసిన క‌మాండ్ కంట్రోల్ సెంట‌ర్‌

హైద‌రాబాద్‌, సెప్టెంబ‌ర్‌18(విధాత‌): మ‌రో మూడు గంట‌ల్లో గ్రేట‌ర్ హైద‌రాబాద్ తోపాటు ప‌లు జిల్లాల్లో భారీ వ‌ర్షాలు కురిసే అవ‌కాశం ఉన్న‌ట్లు తెలంగాణ ఇంటిగ్రేటెడ్ కమాండ్ కంట్రోల్ సెంట‌ర్ (టీజీ ఐసీసీసీ) తెలిపింది. ఈ మేర‌కు టీజీ ఐసీసీసీ ప్ర‌జ‌ల మొబైల్ ఫోన్ల‌కు స‌మాచారం అందించింది. ముఖ్యంగా హైదరాబాద్, మెదక్, మేడ్చల్-మల్కాజిగిరి, నల్గొండ, నిజామాబాద్, రంగారెడ్డి, వికారాబాద్, యాదాద్రి భువనగిరిలో చాలా చోట్ల ఉరుములు, మెరుపుల‌తో కూడిన వ‌ర్షాలు వ‌చ్చే అవ‌కాశం ఉంద‌ని తెలంగాణ ఇంటిగ్రేటెడ్ కమాండ్ అండ్ కంట్రోల్ సెంటర్ తెలిపింది.