కర్రిగా ఉన్నాడంటూ సుమ కొడుకుపై ట్రోల్స్.. ఎమోష‌న‌ల్ కామెంట్స్ చేసిన రోషన్
X
బుల్లితెర రారాణిగా వెలిగిపోతున్న సుమ త‌న త‌న‌యుడు రోష‌న్‌ని హీరోగా ప‌రిచ‌యం చేస్తున్న విష‌యం తెలిసిందే. బ‌బుల్ గ‌మ్ అనే సినిమాతో రోషన్ హీరోగా ప‌రిచ‌యం అవుతుండ‌గా, ఈ చిత్రానికి రవికాంత్‌ పేరపు దర్శకత్వం వహిస్తున్నారు. ఈ మూవీ ఈ నెల 29న రిలీజ్ కాబోతున్న నేప‌థ్యంలో మూవీకి సంబంధించి జోరుగా ప్ర‌మోష‌న‌ల్ కార్య‌క్ర‌మాలు జ‌రుగుతున్నాయి. ఇండ‌స్ట్రీలో ఉన్న హీరోలంద‌రిని వాడేస్తూ త‌న త‌న‌యుడి సినిమా ప్ర‌మోష‌న్‌కి చేయిస్తుంది సుమ. ఇక ఆదివారం సాయంత్రం హైదరాబాద్‌ ప్రీ రిలీజ్ ఈవెంట్‌ నిర్వహించారు.
బ‌బుల్ గ‌మ్ చిత్ర ప్రీ రిలీజ్ ఈవెంట్‌కి అడవిశేష్‌, సిద్దు జొన్నలగడ్డ వంటి వారు గెస్ట్ లుగా వచ్చారు. వారు చేసిన సంద‌డి స్పెష‌ల్ అట్రాక్ష‌న్‌గా మారింది. ఇక ఈ ఈవెంట్‌లో త‌నపై వ‌చ్చే ట్రోల్స్‌పై స్పందించారు రోషన్. తనని నల్లగా ఉన్నావంటూ చాలా ట్రోల్‌ చేస్తున్నారని, రకరకాలుగా కామెంట్లు చేస్తున్నారని, కర్రిగా ఉన్నాడు వీడు హీరో ఏంటి? అసలు వీడు హీరో మెటీరియలే కాదు అంటూ దారుణంగా మాట్లాడుతున్నార‌ట. త‌న వెనకాల ఇలా మాట్లాడ‌డం ఎంతో బాధించింద‌ని రోషన్ అన్నాడు.అలానే సోషల్‌ మీడియాలో కూడా ఇది చూసిన‌ట్టు చెప్పిన రోషన్ వీటిపై ప్రీరిలీజ్ ఈవెంట్‌లో కౌంట‌ర్ ఇచ్చాడు
కర్రిగా ఉన్నానా?, తెల్లగా ఉన్నానా అనేది మ్యాటర్‌ కాదని ఇక్కడ టాలెంట్‌ ముఖ్యం అని చెప్పాడు రోషన్. నేను ఇలాంటి విమ‌ర్శ‌ల గురించి చాలా సార్లు విన్నాను, నా వెనకాల మాట్లాడటం చూశాను, చాలా చదివాను. అరే వీడు హీరో, వీడేంటి మస్త్ కర్రిగా ఉన్నాడు వీడు హీరో ఏంటి? హీరో మొఖం కాదు, బొక్క వేస్ట్ హీరో మెటీరియల్‌ కాదు అన్నారు. నేను ఇలానే పుట్టాను. ఇలానే ఉంటా. ఒక మనిషికి నలుపు, తెలుపు, అందం కాదు బ్రదర్‌ సక్సెస్‌ ని డిసైడ్‌ చేసేది. ఆ మనిషి హార్డ్ వర్క్, టాలెంట్‌, డిసిప్లెయిన్‌ మాత్రమే నిర్ణయిస్తుంది. మన అందరి జాతకంలో ఏం రాసి పెట్టిందో ఎవరికీ తెలియదు. కానీ నచ్చినట్టు మార్చుకుంటాం. కావాల్సింది లాక్కొని తెచ్చుకుంటాం. అది ఇజ్జత్‌ అయినా, ఔకాద్‌ అయినా, ఒక రోజు వస్తది, వద్దనుకున్నా వినబడతా, చేవులు మూసుకున్నా వినబడతా. డిసెంబర్‌ 29న రాసిపెట్టుకోండి, థియేటర్‌కి వచ్చేయండి. ఆది గాడి లవ్‌ని చూడండి, ఆదిగాడి ఫైట్‌ ఫర్‌ రెస్పెక్ట్ ని చూడండి` అంటూ తనదైన స్టయిల్‌లో డేరింగ్ స్పీచ్ ఇచ్చాడు రోషన్. ఆ స‌మ‌యంలో సుమ చాలా ఎమోష‌న‌ల్ అవుతూ క‌న్నీళ్లు పెట్టుకుంది.
Google News
Facebook
Instagram
Youtube
Telegram