శుక్ర‌వారం రాశిఫ‌లాలు.. ఈ రాశివారికి ల‌క్ష్మీదేవి క‌టాక్షంతో ప‌ట్టింద‌ల్లా బంగార‌మే..!

Horoscope | జ్యోతిషం అంటే నమ్మకం. మనకు అంతా మంచే జరగాలని కోరుకుంటాం. అందువల్ల ఈరోజు మన రాశి ఫలాలు ఎలా ఉన్నాయని చూసుకునే వారు చాలామంది ఉంటారు. అలాంటివారికోసం నేటి రాశి ఫలాలు ఎలా ఉన్నాయో తెలుసుకుందాం..

మేషం (Aries)

మేష రాశి వారికి ఈ రోజు శుభప్రదంగా ఉంటుంది. వృత్తి వ్యాపారాలలో విజయాలు సాధిస్తారు. విశేషమైన ఆర్థిక ప్రయోజనాలు పొందుతారు. సమాజంలో మీ గౌరవం, ఖ్యాతి పెరుగుతాయి. నూతన వాహనయోగం ఉంది. ఉద్యోగులు పట్టుదలతో, తమ స్వయంకృషితో అభివృద్ధి సాధిస్తారు.

వృషభం (Taurus)

వృషభ రాశి వారికి ఈ రోజు అనుకూలంగా ఉంటుంది. ముఖ్యంగా వ్యాపారులకు ఈ రోజు విశేషంగా కలిసి వస్తుంది. విశేషమైన ఆర్థిక లాభాలు ఆర్జిస్తారు. ఉద్యోగులు తమకు అప్పగించిన బాధ్యతలను సమర్ధవంతంగా నిర్వహించి ప్రశంసలు అందుకుంటారు.

మిథునం (Gemini)

మిథున రాశి వారికి ఈ రోజు అదృష్టదాయకంగా ఉంటుంది. గొప్ప శుభ సమయం నడుస్తోంది. లక్ష్మీకటాక్షంతో మీరు పట్టింది బంగారం అవుతుంది. నూతన గృహ యోగం, వాహన యోగాలున్నాయి. వ్యాపారంలో ఆదాయం బాగా పెరుగుతుంది.

కర్కాటకం (Cancer)

కర్కాటక రాశి వారికి ఈ రోజు మిశ్రమ ఫలితాలు ఉంటాయి. బుద్ధిబలంతో వ్యవహరిస్తే ఆటంకాలు దూరమవుతాయి. చేపట్టిన పనుల్లో ఉత్సాహం, ఆత్మవిశ్వాసం తగ్గకుండా చూసుకోండి. కుటుంబ సభ్యులతో అనుబంధం దృఢ పడుతుంది. ఆదాయాన్ని మించిన ఖర్చులుంటాయి.

సింహం (Leo)

సింహ రాశి వారికి ఈ రోజు మిశ్రమ ఫలితాలు ఉంటాయి. ముందుచూపుతో వ్యవహరిస్తే అన్నింటా విజయం ఉంటుంది. గత కొంతకాలంగా వేధిస్తున్న సమస్యలు పరిష్కారం లభిస్తుంది. ఆదాయం సామాన్యంగానే ఉంటుంది. వృథా ఖర్చులు నివారించండి.

కన్య (Virgo)

కన్యా రాశి వారికి ఈ రోజు అనుకూలంగా ఉంటుంది. ప్రారంభించిన పనులు సకాలంలో విజయవంతంగా పూర్తి చేస్తారు. ఉద్యోగంలో హోదా పెరుగుతుంది. మీ ప్రతిభకు గుర్తింపు లభిస్తుంది. ఆర్థికాభివృద్ధి కోసం చేసే ప్రయత్నాలు ఫలిస్తాయి. అనారోగ్య సమస్యలు ఇబ్బంది పెడతాయి.

తుల (Libra)

తులా రాశి వారికి ఈ రోజు ఫలవంతంగా ఉంటుంది. వ్యాపారులు మంచి లాభాలు అందుకుంటారు. అనుకున్న పనులు నెరవేరడంతో ఆనందంగా ఉంటారు. ఉద్యోగ వ్యాపారాలలో నూతన అవకాశాలు అందుకుంటారు. ఆర్థికంగా పుంజుకుంటారు.

వృశ్చికం (Scorpio)

వృశ్చిక రాశి వారికి ఈ రోజు సానుకూలంగా ఉంటుంది. వృత్తి ఉద్యోగాలలో ఉన్నతాధికారులతో సామరస్యంగా ఉండాలి. చేపట్టిన పనుల్లో నిర్లక్ష్యం తగదు. ఉద్యోగులకు సహోద్యోగుల నుంచి సహాయం లభిస్తుంది. ఆర్థిక లాభాలు పొందడానికి అవకాశం ఉంది.

ధనుస్సు (Sagittarius)

ధనుస్సు రాశి వారికి ఈ రోజు మిశ్రమ ఫలితాలు ఉంటాయి. ప్రారంభించిన పనుల్లో తోటివారి సహకారం లభిస్తుంది. ఉద్యోగ వ్యాపారాలలో శ్రమకు తగిన ఫలితాలుంటాయి. ఆర్థిక పరిస్థితి మెరుగ్గా ఉంటుంది. ఒక వార్త విచారం కలిగిస్తుంది.

మకరం (Capricorn)

మకర రాశి వారికి ఈ రోజు ఆనందదాయకంగా ఉంటుంది. స్వల్ప ప్రయత్నంతోనే ఇంటా బయట శుభ ఫలితాలు సాధిస్తారు. వృత్తిలో ఎదురయ్యే సవాళ్ళను అధిగమిస్తారు. ఆర్థిక వ్యవహారాల్లో ముందు చూపుతో ఉండడం మంచిది. చేపట్టిన ప్రతి పనిలోనూ విజయాన్ని అందుకుంటారు.

కుంభం (Aquarius)

కుంభ రాశి వారికి ఈ రోజు అనుకూలంగా ఉంటుంది. కుటుంబ సభ్యులతో కలిసి కీలక నిర్ణయాలు తీసుకుంటారు. ఉద్యోగ వ్యాపారాలలో శుభ ఫలితాలు ఉంటాయి. కీర్తి ప్రతిష్ఠలు పెరుగుతాయి. ప్రతికూల ఆలోచనలకు, వివాదాలకు దూరంగా ఉండండి.

మీనం (Pisces)

మీన రాశి వారికి ఈ రోజు సామాన్యంగా ఉంటుంది. ధర్మసిద్ధి ఉంది. తలపెట్టిన పనుల్లో చిన్న చిన్న ఇబ్బందులున్నా ఆత్మవిశ్వాసంతో లక్ష్యాన్ని చేరుకుంటారు. కొందరి ప్రవర్తన బాధ కలిగిస్తుంది. ఆర్థిక సమస్యలు ఏర్పడకుండా ఖర్చులు అదుపు చేయండి.