Weekly Horoscope | ఈ వారం రాశిఫ‌లాలు.. ఈ రాశివారికి ఇల్లు, భూమి కొనేందుకు అనుకూల స‌మ‌యం..!

Weekly Horoscope | చాలా మంది జ్యోతిష్యాన్ని అనుస‌రిస్తుంటారు. త‌మ‌ రాశిఫ‌లాల‌కు అనుగుణంగా శుభ కార్యాలు, కొత్త ప‌నుల‌ను ప్రారంభిస్తారు. దిన, వార‌ ఫ‌లాలు చూడ‌నిదే కొంద‌రు ఏ ప‌ని ప్రారంభించ‌రు. మ‌రి ఈ వారం రాశిఫ‌లాలు ఎలా ఉన్నాయో తెలుసుకుందాం..

మేషం (Aries)

మేష రాశి వారికి ఈ వారం మిశ్రమ ఫలితాలు ఉంటాయి. ఉద్యోగులు అదనపు బాధ్యతలు స్వీకరించాల్సి ఉంటుంది. పనిభారం, ఒత్తిడి పెరగవచ్చు. కీలక వ్యవహారాల్లో తొందరపాటుతో తీసుకునే నిర్ణయాలు నష్టం కలిగిస్తాయి. వ్యాపారంలో అనుకోని ఆటంకాలు ఏర్పడినా సమయస్ఫూర్తితో అధిగమిస్తారు. ఆర్థిక పరిస్థితి కొంత అస్థిరంగా ఉండే అవకాశం ఉంది కాబట్టి ఖర్చుల విషయంలో జాగ్రత్తగా ఉండండి. జీవిత భాగస్వామి కోసం అధికంగా ఖర్చు చేసే అవకాశముంది. కుటుంబ సమస్యల పట్ల సహనంతో వ్యవహరించండి.

వృషభం (Taurus)

వృషభ రాశి వారికి ఈ వారం మిశ్రమ ఫలితాలు ఉంటాయి. ఉద్యోగ వ్యాపారాలలో ఆశించిన ఫలితాల కోసం అదనపు కృషి చేయాల్సి ఉంటుంది. ఉద్యోగంలో మార్పు కోరుకునే వారు కొంతకాలం వేచి ఉండడం మంచిది. నిరుద్యోగుల ఉద్యోగ ప్రయత్నాలు ఫలిస్తాయి. వ్యాపారులు భాగస్వామ్య వ్యాపారాలపై దృష్టి సారిస్తే మంచిది. స్థిరాస్తి, షేర్ మార్కెట్ రంగాల్లో పెట్టుబడులు లాభదాయకంగా ఉంటాయి. ఆర్థికంగా బలోపేతం అవుతారు.

మిథునం (Gemini)

మిథున రాశి వారికి ఈ వారం అనుకూలంగా ఉంటుంది. వ్యాపారంలో ధన లాభాలతో పాటు పురోగతి కూడా ఉంటుంది. ఉద్యోగంలో అనవసర చర్చలకు, కలహాలకు దూరంగా ఉంటే మంచిది. బాధ్యతాయుతంగా నడుచుకోవడం వలన మేలు కలుగుతుంది. గ్రహ సంచారం అనుకూలంగా ఉన్నందున లక్ష్మీకటాక్షంతో ఐశ్వర్యవంతులవుతారు. స్థిరాస్తుల కొనుగోళ్లు, అమ్మకాలు లాభదాయకంగా ఉంటాయి. నూతన గృహయోగం ఉంది. కొన్ని శుభవార్తలు మీ ఇంట్లో సంతోషాన్ని నింపుతాయి. ఉద్యోగ ప్రయత్నాలలో ఉన్నవారికి విజయావకాశాలు బలంగా ఉన్నాయి. ఆర్థిక క్రమశిక్షణ పాటించి ఖర్చులు అదుపు చేయండి.

కర్కాటకం (Cancer)

కర్కాటక రాశికి వారికి ఈ వారం మిశ్రమ ఫలితాలు ఉంటాయి. వృత్తి ఉద్యోగాలలో ఆటంకాలు రాకుండా ముందుచూపుతో వ్యవహరించండి. అధికారులు, తోటివారితో వివాదాలకు దూరంగా ఉంటే మంచిది. వ్యాపారులు వ్యాపార విస్తరణ కోసం పెట్టుబడులు సేకరిస్తారు. వృత్తి నిపుణులు తమ నైపుణ్యాలతో మంచి అవకాశాలు అందుకుంటారు. ప్రేమికుల మధ్య అపార్ధాలు తొలగిపోతాయి. వైవాహిక జీవితంలో మాధుర్యం నెలకొంటుంది. జీవిత భాగస్వామితో మంచి సమయాన్ని గడుపుతారు. ఆర్థిక పరిస్థితి సామాన్యంగా ఉంటుంది. ఖర్చులు ఒకింత భారీగానే ఉంటాయి.

సింహం (Leo)

సింహ రాశి వారికి ఈ వారం ఫలప్రదంగా ఉంటుంది. శ్రేష్ఠమైన సమయం నడుస్తోంది. వృత్తి ఉద్యోగాలలో పట్టిందల్లా బంగారం అవుతుంది. వ్యాపారంలో ఊహించని లాభాలు ఆనందం కలిగిస్తాయి. పెద్ద ప్రాజెక్టులు, కాంట్రాక్టులు అందుకుంటారు. నూతన ఒప్పందాలు దీర్ఘకాలంలో ప్రయోజనకరంగా ఉంటాయి. ఉద్యోగులు పదోన్నతులు అందుకుంటారు. నూతన బాధ్యతలు స్వీకరిస్తారు. మనోబలంతో తీసుకునే నిర్ణయాల వలన శుభ ఫలితాలు ఉంటాయి. ఆత్మవిశ్వాసంతో కీలక వ్యవహారాల్లో పురోగతి సాధిస్తారు. లక్ష్య సాధనలో ఆటంకాలు అధిగమిస్తారు. ప్రేమ వ్యవహారాల్లో అవగాహనతో అపార్ధాలు దూరం చేయవచ్చు.

కన్య (Virgo)

కన్య రాశి వారికి ఈ వారం సామాన్యంగా ఉంటుంది. వృత్తి వ్యాపారాలలో శ్రమతో కూడిన ఫలితాలు ఉంటాయి. ఉద్యోగ వ్యాపారాలలో నూతన అవకాశాలు అందుకుంటారు. అదనపు ఆదాయ వనరులు సమకూరడంతో ఆర్థికస్థితి మెరుగవుతుంది. ఉద్యోగులు మెరుగైన పురోగతి కోసం అదనపు కృషి చేయాల్సి ఉంటుంది. ప్రేమ సంబంధాల్లో స్థిరత్వాన్ని కాపాడుకోవాల్సిన అవసరం ఉంది. వైవాహిక జీవితంలో కొంత ఒత్తిడి ఉండవచ్చు కాబట్టి అవగాహన, సహనంతో ముందుకు సాగాలి. ఆర్థిక పరంగా స్థిరాస్తిలో పెట్టుబడి పెట్టడం మంచిది కాదు

తుల (Libra)

తుల రాశి వారికి ఈ వారం మిశ్రమ ఫలితాలు ఉంటాయి. వ్యాపారులు వ్యాపారాన్ని విస్తరించడానికి, కొత్త వ్యాపారాలు ప్రారంభించడానికి సరైన సమయం. ఉద్యోగంలో మార్పు కోరుకునే వారు మరికొంతకాలం వేచి చూస్తే మంచిది. నిరుద్యోగులు మంచి అవకాశాలు అందుకుంటారు. వైవాహిక జీవితంలో ఏర్పడే అపార్థాలు అవగాహనతో తొలగిపోతాయి. ఒత్తిడికి దూరంగా ఉండండి. ప్రేమ వ్యవహారాల్లో సమస్యలు ఏర్పడతాయి. ఓ సంఘటన విచారం కలిగిస్తుంది. కుటుంబంలో కలహాలు రాకుండా మాటను అదుపులో ఉంచుకోండి. అనవసర ఖర్చులను తగ్గించడానికి ప్రయత్నించండి.

వృశ్చికం (Scorpio)

వృశ్చిక రాశి వారికి ఈ వారం అనుకూలంగా ఉంటుంది. ఉద్యోగ వ్యాపారాలలో నూతన అవకాశాలు అందుకుంటారు. ఉద్యోగులు కొంత సహనంతో న‌డుచుకోవాల్సి ఉంటుంది. చేపట్టిన పనుల్లో ఉత్సాహం కోల్పోకుండా జాగ్రత్త పడండి. అనవసర విషయాల్లో తలదూర్చకండి. వివాదాస్పద అంశాలకు ఎంత దూరంగా ఉంటే అంత మంచిది. ఆర్థిక అంశాలు అనుకూలంగా ఉంటాయి. బంధు వర్గం నుంచి, పితృ వర్గం నుంచి ఆకస్మిక ధనలాభాలుంటాయి. ప్రేమ వ్యవహారాలలో ఉన్నవారు శుభవార్తలు వింటారు. జీవిత భాగస్వామితో మంచి సమయాన్ని గడుపుతారు. కుటుంబ సభ్యులతో తీర్థయాత్రలకు వెళ్తారు. ఇల్లు, భూమి కొనుగోలు చేయడానికి ఇది అనుకూల సమయం.

ధనుస్సు (Sagittarius)

ధనుస్సు రాశి వారికి వారికి ఈ వారం మిశ్రమ ఫలితాలు ఉంటాయి. అన్ని రంగాల వారు వృతి వ్యాపారాలలో మెరుగైన ప్రయోజనాలు పొందాలంటే తీవ్ర కృషి అవసరం. ఉద్యోగులు స్వయంకృషితో పదోన్నతులు అందుకుంటారు. ఉద్యోగంలో మార్పు కోరుకునే వారికి అనువైన సమయం. మీ ప్రయత్నాలు ఫలిస్తాయి. ఆర్థిక సంబంధిత విషయాలలో ఆచి తూచి నిర్ణయాలు తీసుకోవడం మేలు. స్థిరాస్తులు కొనుగోలు చేసేటప్పుడు కుటుంబ సభ్యుల సలహా మేలు చేస్తుంది. కోపాన్ని అదుపులో ఉంచుకోండి. వివాహితులు తమ జీవిత భాగస్వామితో మంచి సమయాన్ని గడుపుతారు. ఆర్థిక పరిస్థితి మెరుగ్గా ఉంటుంది.

మకరం (Capricorn)

మకర రాశి వారికి ఈ వారం సామాన్యంగా ఉంటుంది. ముఖ్యంగా వ్యాపారులు కొంత అప్రమత్తంగా ఉండాల్సిన సమయం. చిన్న చిన్న సమస్యలు నిర్లక్ష్యం చేసే భారీ మూల్యం చెల్లించుకోవాల్సి వస్తుంది. ఉద్యోగులు పని ప్రదేశంలో సమాచార లోపం లేకుండా చూసుకోండి. అధికారులతో విభేదాలు రాకుండా పనిపట్ల శ్రద్ధ పెట్టండి. ఆర్థిక పరిస్థితి సామాన్యంగా ఉంటుంది. ఖర్చుల విషయంలో తెలివిగా వ్యవహరించాలి. పెద్ద పెట్టుబడులకు సరైన సమయం కాదు. కుటుంబంలో చిన్నపాటి సమస్యలున్నా పెద్దగా ఇబ్బంది పెట్టావు.

కుంభం (Aquarius)

కుంభ రాశి వారికి ఈ వారం ఫలవంతంగా ఉంటుంది. వ్యాపారులు భారీ ప్రాజెక్టులను అందుకోబోతున్నారు. పని ఒత్తిడి శ్రమ పెరగవచ్చు. అయితే ఆదాయం మాత్రం సంతృప్తికరంగా ఉంటుంది. ఉద్యోగులు ప్రమోషన్ ఛాన్స్ కూడా ఉంది. ఆదాయంలో కూడా గణనీయమైన పెరుగుదల ఉంటుంది. విద్యార్థులు పోటీ పరీక్షల కోసం కష్టపడి చదివితేనే విజయం సాధించగలరు. వైవాహిక జీవితం ఆటుపోట్లు లేకుండా సాఫీగా సాగిపోతుంది. జీవిత భాగస్వామితో విహార యాత్రలకు వెళ్తారు. విందు వినోదాలలో పాల్గొంటారు.

మీనం (Pisces)

మీన రాశి వారికి ఈ వారం మిశ్రమ ఫలితాలు ఉంటాయి. ఉద్యోగ వ్యాపారాలలో మిశ్రమ ఫలితాలు ఉంటాయి. వ్యాపారులు పఠిష్టమైన ప్రణాళికతో ముందుకెళ్తే మంచి ఫలితాలు ఉంటాయి. ఆర్థిక నష్టాలు సంభవించకుండా జాగ్రత్త పడండి. ఉద్యోగులు పనిపట్ల శ్రద్ధ, ఏకాగ్రత పెంచాలి. బాధ్యతాయుతంగా పనిచేస్తే సత్ఫలితాలు ఉంటాయి. ఉద్యోగంలో మార్పు కోసం ప్రయత్నించే వారు మంచి అవకాశాలు అందుకుంటారు. ఆర్థిక వ్యవహారాల్లో తొందరపాటు నిర్ణయాలు నష్టం కలిగిస్తాయి. రుణాలు ఇవ్వడం కానీ, తీసుకోవడం కానీ చేయవద్దు. ప్రేమ వ్యవహారాల్లో అహంకారంతో సంబంధాలు దెబ్బతినే ప్రమాదముంది. ఘర్షణలు, వివాదాలకు దూరంగా ఉండండి.

ఇవి కూడా చ‌ద‌వండి..

బంగాళదుంప తల్లిదండ్రులెవరో తెలుసా?

న‌ల్ల కోళ్ల వ్యాపారం.. ఏడాదికి రూ. 25 ల‌క్ష‌లు సంపాదిస్తున్న ఐటీ ఇంజినీర్

రామ్​చరణ్​ సరికొత్త అవతారం? 23 ఏళ్ల తర్వాత తెలుగుతెరపై తిరిగి ఆ జానర్​​​ ​