యాజమాన్య కోటా MBBS, BDS ప్రవేశాల రిజిస్ట్రేషన్ కు అవకాశం

అభ్యర్థులకు మరో అవకాశం విధాత, వరంగల్: యాజమాన్య కోటా ఎంబీబీఎస్ బీడీఎస్ ప్రవేశాల కోసం మరో సారి రిజిస్ట్రేషన్ కు అవకాశం కల్పిస్తూ యూనివర్సిటీ ప్రకటన విడుదల చేసింది. యాజమాన్య కోటా ఎంబీబీఎస్, బీడీఎస్ సీట్లకు ఇప్పటికే మూడు విడతల కౌన్సిలింగ్ పూర్తి అయింది. గతంలో రిజిస్ట్రేషన్ చేసుకోని అభ్యర్థులకు మరో అవకాశం కల్పించాలని విద్యార్థులు, తల్లిదండ్రులు యూనివర్సిటీనీ, ప్రభుత్వాన్ని కోరగా సానుకూలంగా స్పందించింది. విద్యార్థుల భవిష్యత్ ను దృష్టిలో పెట్టుకొని ఖాళీ సీట్లకు ఇప్పటికే ఉన్న […]

• అభ్యర్థులకు మరో అవకాశం

విధాత, వరంగల్: యాజమాన్య కోటా ఎంబీబీఎస్ బీడీఎస్ ప్రవేశాల కోసం మరో సారి రిజిస్ట్రేషన్ కు అవకాశం కల్పిస్తూ యూనివర్సిటీ ప్రకటన విడుదల చేసింది. యాజమాన్య కోటా ఎంబీబీఎస్, బీడీఎస్ సీట్లకు ఇప్పటికే మూడు విడతల కౌన్సిలింగ్ పూర్తి అయింది.

గతంలో రిజిస్ట్రేషన్ చేసుకోని అభ్యర్థులకు మరో అవకాశం కల్పించాలని విద్యార్థులు, తల్లిదండ్రులు యూనివర్సిటీనీ, ప్రభుత్వాన్ని కోరగా సానుకూలంగా స్పందించింది. విద్యార్థుల భవిష్యత్ ను దృష్టిలో పెట్టుకొని ఖాళీ సీట్లకు ఇప్పటికే ఉన్న ప్రవేశాల జిఓను సడలిస్తూ ఈ ఒక్క ఏడాది రిజిస్ట్రేషన్ కు మరో అవకాశం కలిపిస్తూ ప్రభుత్వం ఉత్తర్వులు జారీ చేసింది. ఈ మేరకు కాళోజి ఆరోగ్య విశ్వవిద్యాలయం నేడు stray వేకెన్సీ రౌండ్ రిజిస్ట్రేషన్ కు ప్రకటన విడుదల చేసింది.

అభ్యర్థులు నేరుగా ఈ నెల 17 వ తేదీన కాకతీయ యూనివర్సిటీ క్యాంపస్ లోని హెల్ప్ లైన్ సెంటర్ లో ఉదయం 9 గంటల నుండి సాయింత్రం 4 గంటల వరకు సంబంధిత ధ్రువపత్రాలతో హాజరు కావలసి ఉంటుంది. నిబంధనలు పూర్తి వివరాలకు విశ్వవిద్యాలయం వెబ్‌సైట్ www.knruhs.telangana.gov.in లో చూడవచ్చని యూనివర్సిటీ వర్గాలు ఒక ప్రకటనలో తెలిపారు.