RMP DOCTOR | కోటిన్నరతో.. ఉడాయించిన RMP డాక్టర్‌

రాజన్న సిరిసిల్ల జిల్లా వేములవాడలో ఘటన పోలీసులను ఆశ్రయించిన బాధితులు విధాత బ్యూరో, కరీంనగర్: బ్రతుకు తెరువు కోసం కలకత్తా నుండి వేములవాడకు వచ్చిన ఓ ప్రైవేటు ఆర్ఎంపీ వైద్యుడు (RMP DOCTOR) ఆ కాలనీ ప్రజలను నట్టేట ముంచి కోటిన్నరతో ఉడాయించిన సంఘటన పట్టణంలో చర్చనీయాంశంగా మారింది. వేములవాడ పట్టణంలోని మొదటి బైపాస్ మున్నూరు కాపు నిత్యాన్నదాన సత్రం సమీపంలో హర్ష మొలల కోసం వైద్యం చేస్తానంటూ ప్రైవేటు వైద్యుడు క్లినిక్ పెట్టుకొని కొంతకాలంగా వైద్య […]

• రాజన్న సిరిసిల్ల జిల్లా వేములవాడలో ఘటన
• పోలీసులను ఆశ్రయించిన బాధితులు

విధాత బ్యూరో, కరీంనగర్: బ్రతుకు తెరువు కోసం కలకత్తా నుండి వేములవాడకు వచ్చిన ఓ ప్రైవేటు ఆర్ఎంపీ వైద్యుడు (RMP DOCTOR) ఆ కాలనీ ప్రజలను నట్టేట ముంచి కోటిన్నరతో ఉడాయించిన సంఘటన పట్టణంలో చర్చనీయాంశంగా మారింది.

వేములవాడ పట్టణంలోని మొదటి బైపాస్ మున్నూరు కాపు నిత్యాన్నదాన సత్రం సమీపంలో హర్ష మొలల కోసం వైద్యం చేస్తానంటూ ప్రైవేటు వైద్యుడు క్లినిక్ పెట్టుకొని కొంతకాలంగా వైద్య సేవలు అందిస్తున్నాడు. 20 సంవత్సరాలుగా వేములవాడలో కుటుంబంతో ఉంటున్న సదరు ప్రైవేట్ వైద్యుడు పరిచయాలు పెంచుకొని సన్నిహితంగా ఉన్నట్లు నమ్మించాడు.

గత నాలుగు ఐదు మాసాలుగా తాను సొంత ఇంటిని నిర్మించుకుంటున్నానని నమ్మబలికించి ఒక్కొక్కరి దగ్గర నుండి 5 నుండి 10 లక్షల వరకు దాదాపు 12మంది దగ్గర అప్పు చేశాడు. మధ్యతరగతి కుటుంబాలు, నిరుపేదలుగా ఉన్న కొందరు, అతడి దగ్గర వైద్య సేవలు పొందిన వారు నమ్మి సదరు వైద్యునికి దాదాపు కోటిన్నర నగదు ఇచ్చారు.

ఇటీవలే కొందరు తమకు డబ్బులు కావాలని తిరిగి వెళ్లి అడగడంతో కలకత్తాలో తన భార్య పేరిట ఆస్తులు ఉన్నాయని అమ్మి తీసుకువచ్చి ఇస్తానని నమ్మించాడు. నేను ఇక్కడే ఉంటానని భార్య పిల్లలు మాత్రమే వెళ్లి తీసుకు వస్తారని కూడా వారితో చెప్పానట్లుగా తెలిసింది. అయితే పది రోజులుగా కుటుంబంతో సహా కనిపించకపోవడంతో బాధితులు లబోదిపోమంటూ పోలీసులను ఆశ్రయించారు.