చేతికర్ర సహాయంతో కేసీఆర్ నడక.. వైరల్‌గా మారిన వీడియో

తుంటి ఎముక మార్పిడి ఆపరేషన్ అనంతరం తన నివాసంలో విశ్రాంతి తీసుకుంటున్న బీఆరెస్ అధినేత, మాజీ సీఎం కేసీఆర్ క్రమంగా కొలుకుంటున్నారు

విధాత : తుంటి ఎముక మార్పిడి ఆపరేషన్ అనంతరం తన నివాసంలో విశ్రాంతి తీసుకుంటున్న బీఆరెస్ అధినేత, మాజీ సీఎం కేసీఆర్ క్రమంగా కొలుకుంటున్నారు. ఆయన చేతి కర్ర సహాయంతో నడిచే ప్రయత్నం చేస్తున్న వీడియోను ఎంపీ జోగినపల్లి సంతోష్‌కుమార్ బుధవారం పోస్టు చేయగా, ఆ వీడియో వైరల్‌గా మారింది. ప్రతి అడుగును, దృఢ సంకల్పంతో నమ్మకమైన కర్రతో కొనసాగిస్తూ తిరిగి పూర్వ బలాన్ని పొందుతున్నాడని…ఇదంతా ఆయన మళ్లీ స్వేచ్చగా నడిచేందుకు ముందు సమయం.. ట్యాగ్‌తో ఈ వీడియోను ట్విట్టర్ ఎక్స్‌లో పోస్టు చేశారు. ఈ వీడియో కేసీఆర్ గతంలో వాకర్‌తో నడిచిన స్థాయి కంటే కొంత మెరుగ్గా కృత్రిమ చేతి కర్రతో నడుస్తూ కనిపించారు. డాక్టర్ పర్యవేక్షణలో కేసీఆర్ తిరిగి మామూలుగా నడిచేందుకు ప్రయత్నిస్తున్నారు. ఈ వీడియో తమ అభిమాన నేత తిరిగి తమ మధ్యకు రావాలని ఆశగా ఎదురుచూస్తున్న కేసీఆర్ అభిమానులకు, బీఆరెస్ శ్రేణులకు ఉత్సాహాన్ని కల్గించింది.