Harish Rao | నాకు మంత్రి పదవి ఎవరి భిక్ష వల్లనో రాలేదు … సీఎం రేవంత్‌రెడ్డికి హరీశ్‌రావు కౌంటర్‌

సీఎం రేవంత్ రెడ్డి చెప్పినట్లుగా నాకు మంత్రి పదవి ఎవరి భిక్ష వల్లనో రాలేదని, సోనియా గాంధీ కోరిక మేరకు ఆనాడు కాంగ్రెస్ ప్రభుత్వంలో చేరామే తప్ప పదవుల కోసం కాదని మాజీ మంత్రి, ఎమ్మెల్యే టి.హరీశ్‌రావు పేర్కోన్నారు.

మంత్రి పదవి వచ్చిన రోజు…రాజీనామా చేసిన రోజు నా వెనుకే నీవు ఉన్నావు
పాత వీడియో ట్వీట్‌తో సీఎం రేవంత్‌రెడ్డికి హరీశ్‌రావు కౌంటర్‌

విధాత, హైదరాబాద్‌ : సీఎం రేవంత్ రెడ్డి చెప్పినట్లుగా నాకు మంత్రి పదవి ఎవరి భిక్ష వల్లనో రాలేదని, సోనియా గాంధీ కోరిక మేరకు ఆనాడు కాంగ్రెస్ ప్రభుత్వంలో చేరామే తప్ప పదవుల కోసం కాదని మాజీ మంత్రి, ఎమ్మెల్యే టి.హరీశ్‌రావు పేర్కోన్నారు. రేవంత్‌రెడ్డి విమర్శలకు ట్విటర్ వేదికగా సమాధానమిస్తూ ఆనాడు మంత్రి పదవికి రాజీనామా చేసిన సందర్భంగా మాట్లాడిన వీడియోను హరీశ్‌రావు పోస్టు చేశారు. నాకు మంత్రి పదవి వచ్చినపుడు నీవు టీఆరెస్‌లోనే ఉన్నావని, ఆ ఊరేగింపులోనూ ఉన్నావని సీఎం రేవంత్‌రెడ్డికి హరీశ్‌రావు ఈ వీడియో ట్వీట్ ద్వారా గుర్తు చేశారు. తెలంగాణకు జరుగుతున్న అన్యాయాన్ని ప్రశ్నిస్తూ 2004 జూలై 5న మంత్రి పదవికి రాజీనామా చేసినప్పుడు కూడా నా వెనకే ఉన్నావ్, నిక్కి నిక్కి చూశావని ఆ వీడియోలోని సన్నివేశాన్ని పేర్కోన్నారు. ఇదంతా నీ కళ్ల ముందు జరిగిందేనని, కానీ ఇవేమి తెలియనట్లు చిల్లర వ్యాఖ్యలు చేస్తున్నావన్నారు. పదవులు, విలువల గురించి మాట్లాడే హక్కు నీకెక్కడిది రేవంత్ రెడ్డి అని, తెలంగాణ ఉద్యమంలో పదవులను గడ్డి పోచలుగా త్యజించిన చరిత్ర మాదని హరీశ్‌రావు చెప్పుకొచ్చారు. పూటకో పార్టీ మారిన రాజకీయ చరిత్ర నీదని, పదవుల కోసం పెదవులు మూసుకున్న చరిత్ర నీదని, ముఖ్యమంత్రి అయినప్పటికీ హుందాగా ప్రవర్తించడం లేదని విమర్శించారు. చీఫ్ మినిస్టర్ గా కాకుండా, చిల్లరగా మాట్లాడే చీప్ మినిస్టర్ గా వ్యవహరిస్తున్నావంటూ సీఎం రేవంత్‌రెడ్డిపై హరీశ్‌రావు మండిపడ్డారు. ఈ ట్వీట్‌లో రేవంత్‌రెడ్డి తన వెనుకాల ఉన్న వీడియోను హరీశ్‌రావు పోస్టు చేయగా, అది సోషల్ మీడియాలో వైరల్‌గా మారింది.minister did not come due to anyone’s begging