సీఎం రేవంత్‌కు ప్రధాని మోడీ అభినందనలు

తెలంగాణ అభివృద్ధికి సహకరిస్తామని హామీ

విధాత : తెలంగాణ ముఖ్యమంత్రిగా ప్రమాణ స్వీకారం చేసిన రేవంత్‌ రెడ్డికి ట్విట్టర్‌ ఎక్స్‌ ద్వారా ప్రధాని మోడీ అభినందనలు తెలిపారు. ముఖ్యమంత్రిగా ప్రమాణ స్వీకారం చేసిన రేవంత్ రెడ్డికి అభినందనలు… రాష్ట్రాభివృద్ధికి, అక్కడి ప్రజల సంక్షేమానికి అన్ని రకాలుగా సహాయ సహకారాలు అందిస్తానని హమీ ఇస్తున్నా” అని ప్రధాని తన ట్విటర్లో పోస్టు చేశారు. హైదరాబాద్ లోని ఎల్బీ స్టేడియలో గురువారం నిర్వహించిన కార్యక్రమంలో రేవంత్‌ రెడ్డికి సీఎంగా, మంత్రులుగా మల్లు భట్టి విక్రమార్క సహా ఉత్తమ్ కుమార్‌ రెడ్డి, దామోదర రాజనర్సింహ, కోమటిరెడ్డి వెంకట్ రెడ్డి, దుద్దిళ్ల శ్రీధర్ బాబు, పొంగులేటి శ్రీనివాస్ రెడ్డి, పొన్నం ప్రభాకర్, కొండా సురేఖ, సీతక్క, తుమ్మల నాగేశ్వరరావు, జూపల్లి కృష్ణారావులు ప్రమాణ స్వీకారం చేశారు.