నేటి రాశిఫ‌లాలు.. ఈ రాశి అవివాహితుల‌కు వివాహం నిశ్చయం..!

Today Horoscope | చాలా మంది జ్యోతిష్యాన్ని అనుస‌రిస్తుంటారు. రోజు వారి రాశిఫ‌లాల‌కు అనుగుణంగా శుభ కార్యాలు, కొత్త ప‌నుల‌ను ప్రారంభిస్తారు. దిన ఫ‌లాలు చూడ‌నిదే కొంద‌రు ఏ ప‌ని ప్రారంభించ‌రు. మ‌రి నేటి రాశిఫ‌లాలు ఎలా ఉన్నాయో తెలుసుకుందాం..

మేషం

మేష రాశి వారికి ఈ రోజు మిశ్రమ ఫలితాలు ఉంటాయి. అన్ని రంగాల వారికి శ్రమకు తగిన ఫలితాలు ఉంటాయి. అవసరానికి ధనం చేతికి అందుతుంది. బంధువులతో, కుటుంబ సభ్యులతో వ్యవహరించేటప్పుడు జాగ్రత్తగా ఉండాలి. వ్యాపారులు ప్రయాణాలు వాయిదా వేస్తే మంచిది.

వృషభం

వృషభ రాశి వారికి ఈ రోజు అనుకూలమైన రోజు. అన్ని రంగాల వారికి విజయసిద్ధి ఉంటుంది. ఆర్థిక అభివృద్ధికి సంబంధించి శుభవార్తలు వింటారు. సమాజంలో పేరు ప్రఖ్యాతులు సాధిస్తారు. అనుకోకుండా ధనసంపదలు కలిసి వస్తాయి. స్నేహితులతో, కుటుంబ సభ్యులతో మంచి సమయాన్ని గడుపుతారు.

మిథునం

మిథున రాశి వారికి ఈ రోజు విజయవంతంగా ఉంటుంది. అన్ని రంగాల వారికి చేపట్టిన పనుల్లో కార్యసిద్ధి, శత్రుజయం ఉంటాయి. ఉద్యోగంలో హోదా పెరిగే అవకాశం ఉంది. వ్యాపారంలో అదనపు ఆదాయవనరులు సమకూరుతాయి. వృథా ఖర్చులు పెరగవచ్చు.

కర్కాటకం

కర్కాటకరాశి వారికి ఈ రోజు మిశ్రమ ఫలితాలు ఉంటాయి. అన్ని రంగాల వారు వృత్తి వ్యాపార ఉద్యోగాలలో చురుగ్గా పనిచేసే విజయాలను అందుకుంటారు. గత కొంతకాలంగా ఉన్న ఆటంకాలు కూడా తొలగిపోతాయి. అపజయాల గురించి ఆలోచిస్తూ సమయం వృథా చేయకుండా ఆత్మవిశ్వాసంతో ముందడుగు వేస్తే విజయం మీదే.

సింహం

సింహ రాశి వారికి ఈ రోజు సామాన్యంగా ఉంటుంది. వృత్తి వ్యాపారాలలో ఆశించిన ఫలితాలు ఉండకపోవచ్చు. ప్రతికూల ఆలోచన‌ల కారణంగా కుటుంబ సభ్యులతో, సన్నిహితులతో గొడవలు పెరుగుతాయి. జలగండం ఉంది కాబట్టి జలాశయాలకు దూరంగా ఉండండి.

కన్య

ఈ రోజు మిశ్రమ ఫలితాలు ఉంటాయి. సానుకూల ధృక్పధంతో ఉండడం వలన చేపట్టిన పనులన్నీ విజయవంతమవుతాయి. మానసికంగా ప్రశాంతంగా ఉంటారు. ఆరోగ్యం సహకరిస్తుంది. ఆర్థిక వ్యవహారాల్లో జాగ్రత్తగా లేకపోతే నష్టం వాటిల్లుతుంది. కోపాన్ని అదుపులో ఉంచుకోవడం అవసరం.

తుల

తులా రాశి వారికి ఈ రోజు ప్రతికూల ఫలితాలు ఉండవచ్చు. అనవసర ఆందోళనల కారణంగా సరైన నిర్ణయాలు తీసుకోలేకపోతారు. ముఖ్యమైన పనులు వాయిదా వేస్తే మంచిది. మీ మొండి వైఖరి మీతో పాటు మిగతా వారినీ కష్టాల పాలు చేస్తుంది. మీ కోపమే మీ ప్రధమ శత్రువు. ఆర్థిక పరిస్థితి సామాన్యంగా ఉంటుంది. అనారోగ్య సమస్యలతో ఇబ్బంది పడతారు.

వృశ్చికం

వృశ్చిక రాశి వారికి గొప్ప శుభ సమయం నడుస్తోంది. వృత్తి వ్యాపార ఉద్యోగాలకు సంబంధించి మంచి శుభవార్తలు అందుకుంటారు. వ్యాపారులకు ప్రయాణాలు కలిసివస్తాయి. ఆరోగ్యం బాగుంటుంది. వైవాహిక జీవితంలో ఒడిదుడుకులు తొలగిపోయి ఆనందం చేకూరుతుంది. ఆదాయం వృద్ధి చెందుతుంది.

ధనుస్సు

ధనుస్సు రాశి వారికి ఈ రోజు అనుకూలంగా లేదు. మాటలను నియంత్రణలో పెట్టుకోలేని మీ అశక్తత కారణంగా సమస్యల్లో చిక్కుకుంటారు. మాటతీరును మార్చుకునే ప్రయత్నం చేయకపోతే రోజంతా వాదనలు, సంజాయిషీలతో గడపాల్సి ఉంటుంది. చేపట్టిన పనుల్లో ఆటంకాలు ఆందోళన కలిగిస్తాయి. తీవ్రమైన అనారోగ్య సమస్యలు చుట్టుముడతాయి.

మకరం

మకర రాశి వారికి ఈ రోజు చాలా అద్భుతంగా ఉంటుంది. శుభకార్యాలలో పాల్గొంటారు. బంధుమిత్రులను కలుసుకుంటారు. అవివాహితులకు వివాహం నిశ్చయమవుతుంది. స్నేహితుల నుంచి ఆశ్చర్యకరమైన బహుమతి అందుకుంటారు. ఆర్థిక పరిస్థితి గతం కన్నా మెరుగ్గా ఉంటుంది.

కుంభం

కుంభ రాశి వారికి ఈ రోజు అనుకూలంగా ఉంటుంది. అనుకున్న పనులు అనుకున్నట్లుగా జరగడం వల్ల ప్రశాంతంగా ఉంటారు. ఆర్థిక వ్యవహారాలు అన్నీ మీకు అనుకూలంగా జరుగుతాయి. వృత్తిపరంగా కూడా చక్కగా రాణిస్తారు. మీ పనికి ప్రశంసలు దక్కుతాయి. స్థిరాస్తులు కొనుగోలు చేస్తారు.

మీనం

మీన రాశి వారికి ఈ రోజు గ్రహచారం అనుకూలంగా లేదు. ఉన్నతాధికారులతో సహనంతో వ్యవహరించకపోతే ప్రమాదం. ప్రతికూల ఆలోచనల కారణంగా పోటీదారులు, విరోధులతో వాగ్వాదం జరిగే సూచనలు కనిపిస్తున్నాయి. అలాంటి పరిస్థితి రాకుండా చూసుకోవడం మంచిది. వ్యాపారంలో నష్ట సూచన ఉంది. తెలివిగా వ్యవహరిస్తే నష్ట తీవ్రత తగ్గవచ్చు.