ఆరేళ్ళ బాలిక అల్ఫియా కిడ్నాప్..షాద్ నగర్ లో క్లైమాక్స్
విధాత: కిడ్నాప్ కు గురైన బాలికను 23 గంటల్లోనే తిరిగి తల్లివద్దకు చేర్చారు హైదరాబాద్ పోలీసులు. మంగళవారం పురానిహవేలిలోని డీసీపీ కార్యాలయంలో జరిగిన మీడియా సమావేశంలో డిసిపి గజరావు భూపాల్ వివరాలను వెల్లడించారు. అంబర్పేట్ ఆలీకేఫ్ ప్రాంతానికి చెందిన ముస్కాన్ ఆలీ మీర్జా(41) తన కూతురు అల్ఫియా(6)తో కలిసి భిక్షాటన చేస్తుంది. కాగా ఈ నెల 13వ తేదీన ఉదయం 11గంటల సమయంలో చంచల్గూడలో బిక్షాటన చేస్తుండగా ఓ మహిళ వాళ్ల దగ్గరికి వచ్చి తన పేరు […]
విధాత: కిడ్నాప్ కు గురైన బాలికను 23 గంటల్లోనే తిరిగి తల్లివద్దకు చేర్చారు హైదరాబాద్ పోలీసులు. మంగళవారం పురానిహవేలిలోని డీసీపీ కార్యాలయంలో జరిగిన మీడియా సమావేశంలో డిసిపి గజరావు భూపాల్ వివరాలను వెల్లడించారు. అంబర్పేట్ ఆలీకేఫ్ ప్రాంతానికి చెందిన ముస్కాన్ ఆలీ మీర్జా(41) తన కూతురు అల్ఫియా(6)తో కలిసి భిక్షాటన చేస్తుంది. కాగా ఈ నెల 13వ తేదీన ఉదయం 11గంటల సమయంలో చంచల్గూడలో బిక్షాటన చేస్తుండగా ఓ మహిళ వాళ్ల దగ్గరికి వచ్చి తన పేరు ఫాతిమా అని హఫీజ్బాబానగర్లో ఓ స్వచ్చంద సేవా సంస్థ పెద్ద ఎత్తున బట్టలు, డబ్బుదానం (జకాత్) ఇస్తుంటారని నమ్మబలికింది. వెంటనే వారిని ఆటోలో ఎక్కించుకుని హఫీజ్బాబానగర్కు చేరుకుంది. అక్కడే ఉన్న ఓ ఇంటిని మీర్జాకు చూపెట్టింది. ఆ ఇంటి యజమాని వద్దకు వెళ్లి జకాత్ తీసుకో అని మాయమాటలు చెప్పింది. ఆటో దిగి కాస్త ముందుకు మీర్జా వెళ్లగానే ఆరేళ్ల మైనర్ బాలికతో ఆటోలో ఫాతిమా పరారయ్యింది. మీర్జా ఇచ్చిన ఫిర్యాదు మేరకు కంచన్బాగ్ పోలీసులు కేసును నమోదు చేసుకుని సంతోష్నగర్ డివిజన్ ఏసీపీ శివరాం శర్మ పర్యవేక్షణలో ఐదు బృందాలను రంగంలోకి దింపారు. హఫీజ్ బాబానగర్ నుంచి రెండు ఆటోలను మార్చుతూ ఫాతిమా బాలికతో శంషాబాద్కు చేరుకుంది. అక్కడి నుంచి రంగారెడ్డి జిల్లా షాద్నగర్లోని సొంత ఇంటికి బాలికను కిడ్నాప్ చేసి తీసుకువెళ్లినట్లు సాంకేతిక ఆధారాలతో పోలీసులు గుర్తించారు. పోలీసులు వెంటనే ఫాతిమాగా చెప్పుకున్న ఆసియాబి(26) ను అదుపులోకి తీసుకుని కిడ్నాపర్ చెర నుంచి బాలికకు విముక్తి కలిగించారు. షాద్ నగర్ లో పోలీస్ కానిస్టేబుల్ హన్మంతు చాకచక్యంగా నెరస్తురాలును గుర్తించి ఉన్నతాధికారుల ప్రశంసలు పొందారు. 5వందల పారితోషకం పోలీస్ శాఖ తరుపున అందజేశారు. శంషాబాద్ పోలీస్ స్టేషన్ పరిధిలో ఆసియాబి పై అక్రమంగా రేషన్ బియ్యం తరలింపు కేసు కూడా ఉన్నట్లు డిసిపి పేర్కొన్నారు. ఈ సమావేశంలో దక్షిణమండలం అదనపు డిసిపి సయ్యద్ రఫిక్, సంతోష్నగర్ ఏసీపీ శివరాం శర్మ, కంచన్బాగ్ ఇన్స్పెక్టర్ జి. వెంకట్రెడ్డి తదితరులు పాల్గొన్నారు..
