వైద్య ఆరోగ్య శాఖ‌లో 3897 పోస్టుల భ‌ర్తీకి అనుమ‌తి

ఒక్కో కాలేజీ, అనుబంధ హాస్పటల్‌కి 433 పోస్టులు ఉత్తర్వులు జారీ చేసిన ఆర్ధిక శాఖ తెలంగాణ ఏర్పాటు తర్వాత మెడికల్‌ కాలేజీల్లో మొత్తం 15,476 పోస్టుల మంజూరు ఆరోగ్య తెలంగాణ లక్ష్య సాధన దిశగా ముందడుగు ఆర్థిక, వైద్యారోగ్య శాఖా మంత్రి హరీష్‌ రావు విధాత: జిల్లాకొక మెడికల్‌ కాలేజీ ఏర్పాటు చేస్తూ వైద్యం, వైద్య విద్యను పటిష్టం చేస్తున్న తెలంగాణ ప్రభుత్వం మరో కీలక నిర్ణయం తీసుకున్నది. డైరెక్టర్‌ ఆఫ్‌ మెడికల్‌ ఎడ్యుకేషన్‌ పరిధిలో కొత్తగా […]

• ఒక్కో కాలేజీ, అనుబంధ హాస్పటల్‌కి 433 పోస్టులు
• ఉత్తర్వులు జారీ చేసిన ఆర్ధిక శాఖ
• తెలంగాణ ఏర్పాటు తర్వాత మెడికల్‌ కాలేజీల్లో మొత్తం 15,476 పోస్టుల మంజూరు
• ఆరోగ్య తెలంగాణ లక్ష్య సాధన దిశగా ముందడుగు
• ఆర్థిక, వైద్యారోగ్య శాఖా మంత్రి హరీష్‌ రావు

విధాత: జిల్లాకొక మెడికల్‌ కాలేజీ ఏర్పాటు చేస్తూ వైద్యం, వైద్య విద్యను పటిష్టం చేస్తున్న తెలంగాణ ప్రభుత్వం మరో కీలక నిర్ణయం తీసుకున్నది. డైరెక్టర్‌ ఆఫ్‌ మెడికల్‌ ఎడ్యుకేషన్‌ పరిధిలో కొత్తగా ఏర్పాటు చేయబోయే మరో 9 మెడికల్‌ కాలేజీలకు 3,897పోస్టులు మంజూరు చేసింది. ఒక్కో మెడికల్‌ కాలేజీకి వివిధ కేటగిరీల్లో కలిపి 433 పోస్టులను మంజూరు చేసింది.

రాజన్న సిరిసిల్ల, కామారెడ్డి, వికారాబాద్‌, ఖమ్మం, కరీంనగర్‌, జయశంకర్‌ భూపాల పల్లి, కొమురం భీం ఆసిఫాబాద్‌, జనగాం, నిర్మల్‌ మెడికల్‌ కాలేజీలకు, వీటి అనంబంధ ఆసుపత్రుల కోసం ప్రభుత్వం పోస్టులు ఏర్పాటు చేసింది. తెలంగాణ ఏర్పాటు తర్వాత ప్రారంభించిన 12 మెడికల్‌ కాలేజీలు సహా, కొత్తగా ఏర్పాటు చేయబోయే 9 మెడికల్‌ కాలేజీల కోసం ఇప్పటి వరకు డైరెక్టర్‌ ఆఫ్‌ మెడికల్‌ ఎడ్యుకేషన్‌ పరిధిలో మొత్తం 15,476 పోస్టులు మంజూరు చేసింది.

ప్రజల‌కు సూపర్‌ స్పెషాలిటీ వైద్యంతో పాటు, విద్యను చేరువ చేయాలనే లక్ష్యంతో జిల్లాకు ఒక మెడికల్‌ కాలేజీ ఏర్పాటుకు ప్రభుత్వం శ్రీకారం చుట్టింది. రాష్ట్ర ఏర్పాటుకు ముందు ఉమ్మడి రాష్ట్రంలో కేవలం 5 కాలేజీలు మాత్రమే ఉంటే రాష్ట్రం ఏర్పడిన వెంటనే సీఎం కేసీఆర్ మహబూబ్‌న‌గర్‌, సూర్యాపేటలో నాలుగు మెడికల్‌ కాలేజీలు ఏర్పాటు చేశారు. ఆ తర్వాత మరో 8 మెడికల్‌ కాలేజీలు ఏర్పాటు చేశారు. ఇలా మొత్తం ప్రభుత్వ మెడికల్‌ కాలేజీల సంఖ్యను 8 ఏళ్లలో 5 నుంచి 17కు పెంచారు.

ఇందులో భాగంగా ఈ ఏడాది నవంబర్‌ 15న రాష్ట్రవ్య్తాంగా 8 మెడికల్‌ కాలేజీలను ముఖ్యమంత్రి కేసీఆర్‌ వర్చూవల్గ్ ప్రారంభించారు. దీంతో అదనంగా 1150 మెడికల్‌ సీట్లు అందుబాటులోకి వచ్చాయి. 2014లో ప్రభుత్వ కాలేజీల్లో 850 గా ఉన్న ఎంబీబీఎస్‌ సీట్లు, ఈ ఏడాది నాటికి 2790కి పెరిగాయి. అన్ని జిల్లాల్లో ఒక మెడికల్‌ కాలేజీ ఉండాలనే ఆలోచనతో భాగంగా వచ్చే ఏడాది మరో 9 మెడికల్‌ కాలేజీలు ఏర్పాటు చేసేందుకు సర్కార్‌ చర్యలు తీసుకుంటుంన్నది. ఇందులో భాగంగా, ఈ రోజు 3,897 పోస్టులు మంజూరు చేస్తూ ఆర్థిక శాఖ ఉత్తర్వులు జారీ చేసింది.

ఆరోగ్య తెలంగాణ దిశగా అడుగులు: మంత్రి హరీష్‌ రావు

అన్ని వర్గాల ప్రజలకు అందుబాటులో నాణ్యమైన వైద్యం, వైద్య విద్యను అందించే లక్ష్యంలో ఇదొక ముందడగు. సీఎం కేసీఆర్‌ నాయకత్వంలో రాష్ట్రం ఆరోగ్య తెలంగాణ దిశగా వేగంగా అడుగులు వేస్తున్నది. కొత్త మెడికల్‌ కాలేజీల ఏర్పాటు వల్ల ఒకవైపు నాణ్యమైన వైద్యం, మరోవైపు మెడికల్‌ విద్య రాష్ట్ర ప్రజలకు చేరువ‌వుతున్నది.

నాడు పెద్ద పట్టణాలకు మాత్రమే పరిమితమైన స్పెషాలిటీ వైద్యం జిల్లాకొక మెడికల్‌ కాలేజీ ఏర్పాటు చేస్తుండం వల్ల గ్రామీణ ప్రజలకు చేరువైంది. మరోవైపు డాక్టర్‌ కావాలని కలలుకనే విద్యార్థులకు స్థానికంగా ఉంటూనే వైద్య విద్యను అభ్యసించే అవకాశాలు మెరుగుపడ్డాయి.