హైదరాబాద్‌లో ఎబోలా కలకలం. సూడాన్ నుంచి వచ్చిన ప్రయాణికుడితో పాటు ముగ్గురిని గాంధీ ఆసుపత్రిలో ఐసోలేషన్‌లో ఉంచి పరీక్షలు నిర్వహిస్తున్నారు.

ప్రపంచ పర్యావరణ దినోత్సవం సందర్భంగా విశాఖలో సీఎం చంద్రబాబు సైకిల్ ర్యాలీ నిర్వహించారు. గ్రీన్ కవర్ పెంపు, పర్యావరణ పరిరక్షణపై పిలుపునిచ్చారు.

బీజేపీకి రాజీనామా చేసిన అన్నామలై త్వరలో కొత్త రాజకీయ పార్టీ ప్రకటించనున్నట్లు వెల్లడించారు. తమిళ అస్థిత్వం, రాష్ట్ర అభివృద్ధే తన లక్ష్యమని స్పష్టం చేశారు.

దేశ వ్యాప్తంగా 10 రాష్ట్రాలకు సంబంధించి 24 రాజ్యసభ స్థానాలకు ఎన్నికల నిర్వహణలో భాగంగా నామినేషన్ల ప్రక్రియ కొనసాగుతుంది. జూన్ 8వ తేదీ వరకూ నామినేషన్ల ధాఖలు ప్రక్రియ కొనసాగనుంది.

ఏపీ రాష్ట్ర వ్యాప్తంగా 2.5 కోట్ల సీడ్‌ బాల్స్‌ తయారీ లక్ష్యంగా పెట్టుకున్నట్లుగా జనసేన అధినేత, ఏపీ డిప్యూటీ సీఎం పవన్ కల్యాణ్ తెలిపారు. ప్రపంచ పర్యావరణ దినోత్సవం సదర్బంగా ఎన్టీఆర్‌ జిల్లా మూలపాడు బటర్‌ఫ్లై పార్కులో నిర్వహించిన పర్యావరణ వేడుకలలో పవన్‌ పాల్గొన్నారు. తన తల్లి అంజనా దేవి పేరిట కొండపల్లి బొమ్మల తయారీలో వినియోగించే తెల్ల పొణికి మొక్క నాటి వేడుకలు ప్రారంభించారు.

Monsoon | నైరుతి రుతుప‌వ‌నాలు కేర‌ళ‌లోకి ప్ర‌వేశించాయి. కేర‌ళ‌తో పాటు త‌మిళ‌నాడులోకి ప్ర‌వేశించిన రుతుప‌వ‌నాలు.. మ‌రో రెండు రోజుల్లో ఇత‌ర ప్రాంతాల్లోకి విస్త‌రించ‌నున్నాయి.